لا فرن ولا حاجة ..... الحلويات الباردة وصلت

لا فرن ولا حاجة ..... الحلويات الباردة وصلت
------------------------------------------



أولاً: بسكويت بالكريم كراميل
المقادير:
2 علبة بسكويت شاى
4 ملاعق كريمة لبانى أو علبه قشطة( معلبة مش بلدى)
كوب صغير لبن بودرة
1/2 كوب زيت
1/2كوب سكر بودرة
2 كيس كريم كراميل
كوب حليب

الطريقة:


1- نرص البسكويت في صينية طبقة واحدة.
-نشقر اللبن البودرة على النار لما لونه يصفر شوية .
3-نطفي النار و نضيف عليه الكريمة اللبانى و الزيت و السكر البودرة و نقلب لحد ما تبقي عجينة.
4-نضعها فوق طبقة البسكويت الأولي اللي في الصينية.
-نرص طبقة بسكويت تانية فوق العجينه.
6- نعمل كيسين كريم كراميل على كوب واحد لبن على النار و نضيف عليه معلقتين كريمة لبانى و نقلب .
7- نضع الكريم كراميل على الوجه فوق البسكويت و نوزعه جيدا.
يوضع في التلاجه لمدة 20 دقيقة و بالهنا و الشفا.