ارز بالبن والمستكه ....مش حتقدر تغمض عينيك

ارز بالبن والمستكه ....مش حتقدر تغمض عينيك
--------------------------------------

المقادير

2 كوب ارز ( الاحسن يكون منقوع على الاقل نص ساعه عشان يستوى كويس )
ا كيلو لبن
2 - 3 حبة مستكه ( تقولى للعطار مستكه للحلويات بتكون اغلى من المستكه العادية ولونها مصفر )
سكر للتحليه


الطريقه

نحط 4 - 5 كبيات ميه من اللى عايرنا بيها الارز فى حلة ونضعها على النار لما تغلى نحط الارز ونقلب
لما نلاقى الميه قلت قبل ما تتشرب قوى نحط اللبن ومعاه المستكه والسكر ونقلب كل شويه لحد ما يستوى
لو لقيت الرز لسه ماستواش حطى شويه ميه صغيرين لحد ما تحسى ان الارز استوى والميه اتشربت
ولو الرز استوى ولسه فيه ميه كتير حطى نشا لحد ما القوام يغلظ
اغرفى الارز فى الاطباق وسيبيه لما يبرد وحطيه فى التلاجه شويه
ولو حبيتى تحطى عليه مكسرات الاحسن حمصيها الاول وسيبيها تبرد وبعدين اطحنيها ورشيها عليه
وممكن تحطى قطع فاكهه او زبيب او قرفه حسب زوقك

وبالهنا والشفا وانشاء الله يعجبكم وتدعولى