تارت الفواكة بكاسترد الموز و الكريم شانتي من مطبخى

تارت الفواكة بكاسترد الموز و الكريم شانتي من مطبخى
---------------------------------------------------

السلام عليكم
تارت الفواكة بالكاسترد لذييييييييييييذ و مغذي جدا
و ممكن تتفنني فية زي ما تحبي
مقادير التارت :
ربع كوب سكر
تلات اربع كوب زبدة
كوب و تلت دقيق
ذرة ملح
بيضة
معلقة صغيرة فانيليا
الطريقة:
نضرب البيضة اولا مع الفانيليا
و بعدين نحط عليها السكر
و بعدين نفرك الزبدة مع الدقيق مع ذرة الملح لحد ما يبقوا مفرولين زي البقسماط
و نضيف عليهم مزيج البيض و السكر
و نعجنهم كويس .
و نعمل العجينة زي الكورة المبططة و نحطها في التلاجة لمدة نص ساعة

و في الاثناء دي نجهز الكاسترد:
المقادير:
نص لتر لين
بيضتين
فانيليا ربع كوب سكر
معلقتين نشا
الطريقة :
نضرب البيض مع السكر و الفانيليا و النشا
و نكون بنغلي اللبن
نضيف كبشة من اللبن المغلي علي خليط البيض و نقلب بسرعة
حتي لا يتكتل النشا
و بعدين نحط المزيج دا كلة علي اللبن المغلي عالنار و نقلي بالمضرب بسرعة
لحد ما يبأي القوام غليظ
نرفعة من عالنار و نحطة في طبق و ندهن وشة بالزبدة او نرشة بالسكر عشان ما يكونش قشرة
لما الكاسترد يدفي نقطع علية الموز شرائح متوسطة عشان مش يتهري و نقلب كويس
نطلع عجينة التارت من التلاجة و نفردها فرد خفيف
و بعدين نجيب قالب التارت و نوزع فية العجينة بالاصابع بالتساوي عالقاعدة و الاطراف
بالشكل دة و نشيل الزيادات و نبططها في القاعدة
و بعدين نولع الفرن عالحرارة المتوسطة
و عشان قاعدة التارت ما ترتفعش بنحط ورق المونيوم و علية تقل (حبوب زي الفول او الحمص ,مجموعة شوك و معالق تكون تقيلة )
انا حطيت الهون الصغنون بتاعي
نحط الصنية في الفرن و اول ما الاطراف تستوي و تجمد بنطلع الصنية بحرص و نشيل التقل و نرجعها تاني في الفرن عشان القاعدة تكمل سوا و نتابعها طبعا
بعد ما الصنية تهدا بنطلع التارت من القالب علي صنية مستوية و نبتدي التجهيز
نضرب الكريم شانتية و نحطة في كيس التشكيل او اداة زي دي و نصب كاسترد الموز في قلب التارت
و نجهز الفواكة بتاعتنا
انا استخدمت كيوي و تفاح و عنب و خوخ و فراولة (كان في برتقان بس لقيت الدنيا هتبأي زحمة اوي و مالوش مكان هههههههههه)
و بعدين نزين بالكريم شانتية الاول عالاطراف و بنرتب الفواكة زي ما تحبي